ვაკანსია მშენებელ-ინჟინერი — MSHENEBLOBA.INFO
Close [X]
Facebook:
MSHENEBLOBA.info



ვაკანსია მშენებელ-ინჟინერი

ვაკანსია მშენებელ-ინჟინერი

თარიღი: 7 თებ 2020
ნანახია 113-ჯერ
მდებარეობა: Tbilisi

კომპანია CMC (Construction Management Company) ქართულ ბაზარზე ოპერირებს 2009 წლიდან და სამშენებლო ბიზნესის მენეჯმენტის და კონსულტაციის სფეროში დღეს წამყვანი ადგილი უკავია. კომპანიას დღემდე 50-ზე მეტი მსხვილი პროექტი აქვს განხორციელებული, რომელთა ჯამური ღირებულება 1 მილიარდ დოლარს აღემატება და 676 000 კვადრატულ მეტრს მოიცავს.

კომპანიის მთავარი მახასიათებელია ნებისმიერი სირთულისა და მასშტაბის პროექტის დაგეგმილ ვადასა და დაგეგმილი ბიუჯეტით უმაღლესი ხარისხით შესრულება.

კომპანია CMC გთავაზობთ შემოუერთდეთ ჩვენს გუნდს მშენებელ-ინჟინრის პოზიციაზე.

ჩვენ გთავაზობთ:

** საინტერესო და მრავალფეროვან სამუშაოს პროფესიონალ გუნდთან ერთად;
** პროფესიული ზრდისა და განვითარების შესაძლებლობას;
** ჯანმრთელობის დაზღვევას;
** ​საბონუსე სისტემას შესრულებული სამუშაოს შესაბამისად.

ძირითადი ფუნქციები:

** მშენებლობის პროცესის პროექტთან შესაბამისობის კონტროლი;
** ობიექტის ყოველდღიური მიმდინარე პროცესების მონიტორინგი;
** სამუშაოთა შესრულების ხარისხსა და პროგრესზე პროექტის მენეჯერთან ანგარიშგება;
** ობიექტის სამუშაოთა პროგრესის შესახებ ყოველდღიური ანგარიშების მომზადება;
** სამშენებლო ნორმების და სტანდარტების დაცვის უზრუნველყოფა;
** კონტრაქტორი კომპანიების თანამშრომლების მიერ შესრულებული სამუშაოს კონტროლი.

მოთხოვნები პოზიციის მიმართ:

** უმაღლესი განათლება;
** ანალოგიურ პოზიციაზე მუშაობის მინიმუმ 3 წლიანი გამოცდილება;
** ინგლისური და/ან რუსული ენის ცოდნა (უპირატესობა მიენიჭებათ ინგლისური ენის მცოდნე კანდიდატებს);
** სამშენებლო ნორმების და წესების ცოდნა;
** კომპიუტერული საოფისე პროგრამების ცოდნა;
** ​AutoCAD-ის ცოდნა;
** გამართული წერითი და ზეპირი კომუნიკაციის უნარი;
** ყურადღება დეტალების მიმართ.

დაინტერესებულ კანდიდატებს გთხოვთ, გამოაგზავნოთ თქვენი რეზიუმე შემდეგ ელექტრონულ მისამართზე: hr@cmc.ge არაუგვიანეს 2020 წლის 16 თებერვლისა. გთხოვთ, სათაურის ველში მიუთითოთ ვაკანსია, რომელზეც აკეთებთ განაცხადს.

გისურვებთ წარმატებას!




რეკლამა