Close [X]
Facebook:
MSHENEBLOBA.info



article522.jpg
5 ნოემბ 2018
ჩუმათელეთი-ხევის მონაკვეთის პრეზენტაცია

  ხვალ, საქართველოს რეგიონული განვითარებისა და ინფრასტრუქტურის სამინისტრო და საავტომობილო გზების დეპარტამენტი დიპლომატიურ კორპუსს, ბიზნეს ასოციაციებსა და დონორ ორგანიზაციებს, საერთაშორისო მნიშვნელობის მასშტაბური პროექტის, რიკოთის საუღელტეხილო გზის, ჩუმათელეთი-ხევის მონაკვეთის მშენებლობის შესახებ პრეზენტაცია წარუდგენს.

  აღნიშნული მონაკვეთის მშენებლობაზე ტენდერი უახლოეს დღეებში გამოცხადდება. როგორც ინფორმაციაშია აღნიშნული, ღონისძიებაში მონაწილეობენ: ვიცე-პრემიერი საქართველოს რეგიონული განვითარებისა და ინფრასტრუქტურის მინისტრი მაია ცქიტიშვილი, მინისტრის პირველი მოადგილე, საავტომობილო გზების დეპარტამენტის თავმჯდომარე ირაკლი ქარსელაძე, დიპლომატიური კორპუსის, ბიზნეს ასოციაციებისა და სამშენებლო კომპანიის წარმომადგენლები.

ღონისძიება სასტუმრო „ჰოლიდეი ინ თბილისში“ გაიმართება